Pòtoprens, mèkredi 15 avril 2020 a 5 kè nan aprèmidi._ Sitiyasyon ap vinn pi konplike de jou a jou ak pandemi kowonaviris la ki deja touche 185 peyi. 2 073 394 nan mond lan enfekte, pami yo 508 861 geri epi 134 007 janbe nan peyi san chapo nan dat sa (sous https://www.worldometers.info/coronavirus/)
Etazi nan tèt peyi viris la pi malmennen avèk 641 299 ka, 28 383 moun mouri epi 47 977 moun geri. Peyi Lespay swiv li ak 177 644 enfekte, 18 708 mò, 70 853 geri. Itali konte 165 155 enfekte, 21 645 mò epi 38,092 moun geri.
Peyi Lafrans 147 863 moun ki gen viris la, 17 167 mò, 30 955 geri. Almay vinn an 5e pozisyon ak 133 456 ka, 3 592 mò epi 72 600 moun geri. Almay se 2e peyi ki gen plis moun ki geri anba malady Covid-19 la, aprè Lachinn ki afiche 77 816 geri.
Peyi Dayiti menm gen 41 ki gen kowonaviris la, 3 moun mouri epi poko gen yon grenn moun ki geri.
Tout chif sa yo pwouve maladi a reyèl epi l reprezante yon gwo danje ki panjye sou tèt nou. Popilasyon an dwe rete vijilan epi aplike tout konsèy sante yo.
World
