Plis pase 1 milyon moun pran nan Kowonaviris nan mond lan

Depi jou jedi 2 avril 2020 an, plis pase 1 milyon mou gentan trape maladi Covid-19 la nan mond lan, pami yo 51 718 mouri nan menm dat sa selon AFP.

Pandemi sa mete limanite a jenou depi plizyè mwa, plis pase 3,9 milya moun (ki reprezante mwatye nan popilasyon mondyal la) jwen lòd pou yo ret lakay yo nan opjektif pou frennen pwopagasyon viris lan. Plis pase 90 peyi pran mezi tankou kouvrefe, karantènn, ret andedan kay pou pwoteje popilasyon yo.

Jodi samdi 4 avri la (5h pm), Etazini nan tèt lis peyi ki gen plis moun ki enfekte avèk 309 728 ka, 8 441 moun mouri epi 14 741 geri. Men se peyi Itali ki gen plis moun ki mouri jiskaprezan (15 362) epi Espay swiv li (11 947).