Selon yon etid ki te fèt sou 16 chinwa ki te gen maladi Covid-19, ant 28 janvye a 9 fevriye 2020, syantifik yo dekouvri menm aprè moun sa yo finn geri yo te ka bay lòt moun sou yon peryòd 8 jou. Kominike sa te pibliye nan American Thoracic Society.
Selon kominike sa, malad yo tap etidye yo te gen yon ti enfeksyon tou piti a koz de kowonaviris la. Rezilta yo pwouve ke mwatye nan 16 malad sa yo ki te vinn geri te ka bay lòt moun li sou yon peryòd 8 jou. Moun sa yo te nan laj 35,5 kan. Yo te gen sentom tankou lafyèv, tous, lestomak fè mal epi difikilte pou respire.
Yo eksplike byen ke si enfeksyon yo grav moun ki geri ka pran plis tan toujou nan enfekte moun ki antoure yo.
Nan sans sa espesyalis yo konseye moun ki te gen kowonaviris yo men ki pat twò grav, izole tèt yo nan yon chanm pandan 2 semèn menm aprè lopital di yo geri.
World
