Depi dat 19 mas 2020 pase a kote 2 premye ka moun ki pran Kowonaviris te deklare nan peyi a pou rive dat 28 jiyè 2020, gen 4 365 ka moun ki rive rekipere yo daprè yon bilan ofisyèl Ministè Sante Piblik ak Popilasyon (MSPP) mete deyò. Sa fè yon pousantaj global moun ki trete 59.7 % an total.
Daprè chif ofisyèl MSPP yo, gen 7 340 ka kontaminasyon nan Kowonaviris ki anrejistre jiska moman n ap pale la nan peyi a. 118 nouvo ka anrejistre nan wikenn pase a. MSPP detekte 63 vandredi, 37 samdi ak 18 dimanch sou 17 748 ka sispèk. Epi yon nouvo moun mouri anba Kowonaviris pou wikenn ki pase a.
Tandans pou gen yon bès nan ka sispèk Kowonaviris nan peyi a se yon prèv atansyon popilasyon an bay ak prevansyon maladi a daprè sa Sant Entèvansyon Pèmanan nan Kowonaviris (CIPC) fè konnen nan bilten ki pibliye chak jou, sitou nan sa ki pibliye nan dat 28 jiyè 2020 an.
Lòt remak sou done ki bay sou Ayiti atravè MSPP sou evolisyon maladi nouvo Kowonaviris nan peyi a, gen plis gason ki touche pa maladi Kowonaviris la pase fanm nan peyi Dayiti.
An nou fè pran nòt, Ayiti pa nan Eta alèt parapò ak Kowonaviris ankò. Reyèlman, desizyon pou Eta dijans sanitè a ki te dekrete nan mwa mas pase a leve daprè Premye Minis Ayisyen an Joseph Jouthe.
Foto: MSPP
World
