Nan kad repriz aktivite yo nan lekòl yo epi apiye nan sa ki anvizaje pou moun ki pi vilnerab nan katye sansib yo, jedi 20 dawout pase a, Minis Edikasyon Nasyonal ak Fòmasyon Pwofesyonèl la Pierre Josué Agénor Cadet te rankontre nan biwo l nan delma 83, Minis ki Delege bò kote Premye Minis lan ki gen kontwòl batay kont Povrete Ekstrèm ak Dwa Moun lan, Colombe Émilie Jessy Menos ak Rose-Anne Auguste ki se Konseyè prezidan Repiblik la epi Reprezantan l nan Komite Entèministeryèl Dwa Moun (CIDP), daprè sa nou aprann.
Menm si apwòch pou voye je gade timoun nan katye difisil yo te deja nan plan repons kowonaviris ak plan relans aktivite yo nan lekòl yo, MENFP te deja elabore swivan konsiy yo prezidan Repiblik la Jovenel Moïse ak Premye Minis Ayisyen an Joseph Jouthe te bay oswa anvizaje yon soutyen ak fanmi yo nan zòn vilnerab yo, nan zòn sansib yo nan lide pou fasilite timoun zòn sila yo retounen nan sal klas yo.
Minis Edikasyon an Pierre Josué Agénor Cadet di li angaje l pou l ede Minis ki chaje pou goumen kont Povrete Ekstrèm lan ak Dwa moun lan, Colombe Émilie Jessy Menos pou l pote soutyen sa bay timoun ki nan nesesite ki nan katye sansib yo.
Èd pou timoun nan katye difisil yo pral pran plizyè fòm tankou bon eskolè pou paran yo ki nan lekòl ki pa piblik yo ki nan katye sa yo anplis kit sanitè y ap gen pou jwenn.
Senkant mil kachnen deja disponib pou distribye nan kad patenarya sila daprè sa otorite yo anonse.
World
