Mèkredi 29 jiyè 2020 an, Myriam Jean Minis Touris, Raina Forbin Prezidan Asosyasyon Touristik Dayiti (ATH) ak Dr Yves Gaston Delourches, Reprezantan Ministè Sante Piblik ak Popilasyon siyen yon pwotokòl ki konsène reyouvèti destinasyon Ayiti a ki vize rasire sou plan sanitè touris yo ansanm ak operatè yo nan sektè touris la ak pèsonèl nan etablisman touristik yo.
Nan entèvansyon Minis Myriam Jean, li fè konnen jodi a pi plis pase anvan peyi a dwe rasire vwayajè yo, bay ankò konfyans nan chenn touristik la epi dispoze yon òf touristik ki sen ak ki gen kalite nan kontèks Kovid-19 la, daprè sa ki se objektif menm pwotokòl sanitè a vize.
Minis Touris la Myriam Jean kontinye pou di yon ekip nan Ministè a pral mete kanpe ak mosyon pou fè swivi bon aplikasyon mezi ki nan pwotokòl sanitè sila nan tout etablisman touristik yo.
Bò kote pa li, Raina Forbin kwè pwotokòl sanitè sa pral bay asirans epi garanti pwoteksyon sanitè anplwaye yo ak touris yo ki chwazi vini an Ayiti. Pwotokòl sila se sa n ka fè pou n pwouve ak lemond antye peyi a louvri ankò pou touris nan tout sekirite, se pawòl Raina Forbin ki pwofite pou fè konnen nan tout etablisman ki gen plis pase 5 anplwaye, ap gen prezans yon ajan sanitè k ap obligatwa.
Doktè Yves Gaston Delourches reprezantan MSPP a fè konnen tout moun dwe rete vijilan parapò ak Kovid-19 la, daprè li, penn nou ak Kowonaviris la poko fini menm si gen ensidans lan k ap bese nan chif sou maladi a nan peyi a.
World
