Zanmi Lasante ki te premye epi sèl enstitisyon nan peyi a ki te sove lavi yon pasyan nan koma mete nan trètman pandan plizyè jou, premye enstitisyon ki te pran anchaj premye ka Kowonaviris yo, premye tou ki te devan nan lit kont Kowonaviris la atravè Lopital Inivèsitè nan Mibalè (HUM). Li te byen travay nan lit kont pandemi Kowonaviris la nan peyi a.

Douvan yon menas ki te sanble mangonmen, Zanmi Lasante te plase l nan wotè atant yo. Zanmi Lasante te mete 4 lopital enplike nan prizanchaj ospitalye pou resevwa ka ki pi kritik yo. Premye ka yo te pi kritik e yo te sòti toupatou. Atravè Lopital Inivèsitè Mibalè a, Zanmi LASANTE se enstitisyon sante nan peyi a ki solisite nan prizanchaj ka Covid-19 yo daprè sa ki di nan rapò bilan san premye jou yo. ZL nan lit pou kwape nouvo Kowonaviris la.

100 jou sa yo nan prizanchaj global Covid-19 la te bay lespwa ak tout yon peyi paske sistèm sante Ayisyen an atravè rezo sa ka bay swen ki bay admirasyon ak konfyans chak moun ki benefisye sa. Bilan aktivite sa yo tradui non sèlman efò pou amonizasyon nan sistèm sa ki souvan pèdi ray men tou kapasite l pou pran desizyon rapid epi mete an aplikasyon estrateji yo nan yon vizyon lajman laj lidèchip la daprè sa ki parèt nan rapò san jou Zanmi Lasante nan prizanchaj maladi a.

Sòti 19 mas pou rive 8 jen, rezo Lopital ZL yo pran ka 609 pasyan ki te konfime nan Kowonaviris. 31 pasyan ki teste pozitif nan maladi a rive mouri nan lopital la. Se prezans lòt maladi anplis maladi Kowonaviris la nan pwofil epidemyolojik viris la sa yo rele komobidite a ki te pi gwo faktè ki touye moun ki mouri nan Kowonaviris la.